Түркістан облысында тойда тілек айтамын деп басы дауға қалған ер адамға қатысты іс сотқа жолданды
Жарияланған күні:
Читать на русском
Түркістан облысында тойдағы тілегі желіде тарағаннан кейін ұсталған 66 жастағы тұрғынға қатысты қылмыстық іс сотқа жолданды, деп хабарлайды KAZ.NUR.KZ.
Түркістан облысы полиция департаментінің баспасөз қызметі мәлімдегендей, ер адамға қатысты іс материалдары сотқа жіберілді.
Естеріңізге сала кетейік, бұған дейін Түркістан облысындағы тойда ортаға тілек айтуға шыққан ер адамның сөзі әлеуметтік желіде қызу талқыланып жатқанын жазған едік.
Бұл жағдайға қатысты Президент әкімшілігі басшысының бірінші орынбасары Ерлан Қарин мен ҚМДБ өкілдері пікір білдірді.
Кейін ІІМ Түркістан облысының 66 жастағы тұрғынының жария айтқан сөздері түсірілген бейнежазбаның таралуына байланысты діни және әлеуметтік араздықты қоздыру белгілері бойынша қылмыстық іс қозғалғанын мәлім етті.
Күдікті ұсталып, уақытша ұстау изоляторына қамалды.
Мәтіннен қате тапсаңыз,бізге жазыңыз
Оригинал статьи: https://kaz.nur.kz/accidents/crime/2424638-turkistan-oblysynda-toida-tilek-aitamyn-dep-basy-dauga-qalgan-er-adamga-qatysty-is-sotqa-zholdandy/
