Жамбыл облысында құрғақ шөп өртінің аумағы тағы 100 гектарға ұлғайған

Өрт сөндірушілер Жамбыл облысы Меркі ауданының Ақтоған ауылынан 20 км жердегі таулы аумақта 300 гектар құрғақ шөп өртін сөндіруде. Бұл туралы ТЖМ Telegram-дағы ресми арнасында хабарлады.

Ведомство мәліметінше, Меркі ауданының Ақтоған ауылынан 20 км жерде "Меркі орман және жануарлар дүниесін қорғау мекемесі" КММ атап айтқанда, Аспара-Меркі орман шаруашылығындағы 3-4 орамдар аумағында таулы аумақта орын алған құрғақ шөп өрті сөндірілуде.

"Орман шаруашылығының ақпараты бойынша өрттің алдын ала аумағы 300 гектарды құрайды. Күрделі жол бедері, қатты жел өрт сөндіру жұмыстарын қиындатуда", - делінген ТЖМ хабарламасында

ТЖМ өкілдері елді мекендерге қауіп мен зардап шеккендер жоқ екенін атап өтті.

Айта кетейік, 2-тамызда тұтанған ірі табиғи өрт Жамбыл облысында Аспара-Меркі орман шаруашылығындағы 200 гектар аумақты шарпығаны белгілі болған еді.

Мәтіннен қате тапсаңыз, бізге жазыңыз