Өртсөндірушілер Алматы барахолкасы маңындағы тілсіз жаумен қалай күресіп жатқанын көрсетті

ТЖМ өкілдері Алматыдағы барахолка маңындағы қоймадан шыққан тілсіз жаумен өртсөндірушілер қалай күресіп жатқанын көрсетті. Бұл туралы ведомствоның Telegram-арнасына сілтеме жасаған KAZ.NUR.KZ хабарлайды.

Жанып жатқан қоймадан 1 газ баллоны (көлемі 25 л) шығарылған. Өртті сөндіру жарылыс қаупі бар заттардың (газ баллондары, аэрозольді газ баллондары, лак-бояу бұйымдары) болуымен күрделене түскен.

Оқиға орнында ТЖД жеке құрамының 104 адамы және 29 техникасы жұмыс істеуде.

Ал сағат 12-28-де қабылданған шаралардың арқасында өрт оқшауланды. Сағат 14.58-де өрт жойылды. Зардап шеккендер жоқ.

Бұған дейін Алматы барахолкасы маңындағы өрт шыққанын және оған жоғары дәрежелі оқиға деп баға берілгені хабарланған.

Мәтіннен қате тапсаңыз, бізге жазыңыз