Құтқарушылар ауа райының нашарлауына байланысты қазақстандықтарға үндеу жасады

Дүйсенбі, 28 қазанда еліміздің бірқатар өңірінде ауа райына бйланысты ескерту жарияланып, осыған байланысты құтқарушылар қазақстандықтарға үндеу жасады. Бұл туралы KAZ.NUR.KZ Төтенше жағдайлар министрлігіне сілтеме жасап хабарлайды.

"Қазгидромет" болжамдарына сәйкес ауа райының нашарлайды деп болжанған. Атап айтқанда қатты жауын-шашын, ауа температурасы төмендейді.

Сонымен қатар желдің күшейіп, боран соғып, көктайғақ болып, тұман түседі.

ТЖМ қауіпсіздік шараларын сақтауға кеңес береді.

"Ауа райына бйланысты ескерту жариялаған кезде, әсіресе қараңғы уақытта алыс жерлерге сапарға шығудан бас тартып, жаяу жүруден аулақ болыңыздар.

Ауа-райы жағдайы мен автожолдардағы көлік қозғалысының шектеулері туралы ақпаратты бақылаңыздар", - деп ескертті құтқарушылар.

Айта кетейік, синоптиктер Астанада және бірқатар облыста ауа райына байланысты ескерту жариялаған болатын.

Мәтіннен қате тапсаңыз, бізге жазыңыз