Ақтөбе облысында адамдар мінген екі көлік қар құрсауында қалып қойды (видео)

Ақтөбе облысында құтқарушылар далада қар құрсауында қалып қойған бірнеше көлікті алып шықты. Бұл туралы Төтенше жағдайлар министрлігіне сілтеме жасаған KAZ.NUR.KZ хабарлайды.

Ақтөбе облысы Хромтау ауданы Абай ауылына жақын маңайда 2 ер адам ауа райының қолайсыздығына қарамастан мал тексеруге кетіп, қарда тұрып қалған.

Оқиға орнына дереу жеткен құтқарушылар қар құрсауында тұрып қалған жеңіл автокөлікті эвакуациялап, азаматтарды құтқарды.

Оған қоса, қайтар жолда дәл солай қарда тұрып қалған ішінде екі адам бар жеңіл автокөлікті көріп, оларды да эвакуациялап, құтқарды.

Азаматтардың тұрғылықты жеріне жеткізілгені белгілі болды. Олардың ешқайсысы медициналық көмекке мұқтаж емес.

Еске салсақ, бұған дейін ауа райына байланысты бірнеше облыста республикалық тасжолдар жабылғаны туралы жазған едік.

Мәтіннен қате тапсаңыз, бізге жазыңыз