Өскеменде жылу магистралі қалпына келтіріліп, үйлерге жылу берілді

Өскеменде жылу магистраліндегі қалпына келтіру жұмыстары аяқталып, үйлерге жылу берілді. Бұл туралы ҚазАқпаратқа сілтеме жасаған KAZ.NUR.KZ хабарлайды.

Кеше Жібек маталар комбинаты ықшам ауданындағы жылу магистралінде құбыр жарылып, бірқатар үй жылусыз қалған болатын.

Бүгін "Шығыс жылу" АҚ қызметкерлері ақау орнын анықтап, тоқтаусыз жұмыс нәтижесінде жылу магистралін қалпына келтірді.

"Ақау себебі анықталған соң жөндеу жұмыстары тоқтаусыз жүргізілді. Жылу магистралі құбырлары қанағаттанарлық жағдайда. Пайдалану мерзімі – 10 жыл. Қазіргі уақытта қалыпқа келтіру жұмыстары толық аяқталды. Барлық үйлер мен нысандарға жылу берілді", - деп хабарлады ШҚО әкімдігінен.

Мәтіннен қате тапсаңыз, бізге жазыңыз