Алматыда жолдан жүгіріп өтпек болған әйелді көлік қағып өлтірді (фото)

Оңтүстік астанадағы Сайын-Төле би көшелерінің қиылысында әйелді жеңіл көлік қағып, жаяу жүргінші қайтыс болды. Оқиға жерасты өткелінің жанында болған деп жазады KAZ.NUR.KZ порталы Zakon.kz-ке сілтеме жасап.

Марқұм жолды рұқсат етілмеген жерден жүгіріп өтпек болғаны белгілі болды.

Жол-көлік оқиғасы дәл жерасты өткелінің үстінде орын алған.

Басылымның мәліметінше, Hyundai көлігі Саин көшесі бойымен солтүстік бағытта жүйткіп келе жатып, Төле би көшесіне жетпей әйелді қаққан.

Корей автокөлігі соққаннан кейін 1954 жылы туған жаяу жүргінші бүйірге құлап түскен. Әйел оқиға орнында қайтыс болды.

Қайғылы оқиға болған жерде полиция қызметкерлері жұмыс жүргізді. Апат болған жердегі көлік қозғалысы қиындай түсті.

Еске салсақ, Нұр-Сұлтанда мас күйдегі келіншек қағып кеткен екі жасар бала жансақтау бөлімінде жатқаны туралы жазған болатынбыз. ПД мәліметінше, жол апатынан үш адам зардап шеккен, бірақ дәрігерлердің айтуынша, олардың саны төртеу болған.

Одан өзге, 17 маусым күні күндізгі уақытта Павлодар облысындағы тас жолда болған жол-көлік оқиғасының нәтижесінде жеті жасар бала көз жұмды.

Мәтіннен қате тапсаңыз, бізге жазыңыз