Алматы - Өскемен тасжолында әскери техника жол апатына ұшырады (фото)

Алматы - Өскемен автожолында әскери техника жол апатына ұшырады. Оқиғаның мән-жайын "ҚазАвтоЖол" өкілдері айтты, деп хабарлайды KAZ.NUR.KZ.

"ҚазАвтоЖолдың" мәліметінше, 2025 жылғы 15 қаңтар сағат 13:40 шамасында Алматы - Өскемен автожолының 56 шақырымында, Заречный ауылы маңында "Цзефан" автокөлігінің жүргізушісі тралдан екі әскери техниканы түсіріп алған.

Салдарынан техника жүру бөлігіне аударылып, сүйемелдеп келе жатқан Ssang Yong Actyon автокөлігімен соқтығысқан. Жол апатынан зардап шеккендер мен қаза тапқандар жоқ.

Сондай-ақ әлеуметтік желіде оқиға орнынан видео пайда болды.

Ескерту! Видеода бейәдеп сөздер бар!

Естеріңізге сала кетсек, бүгін, 15 қаңтар таңғы 7:30 шамасында Алматы-Өскемен автожолында 18 көлік соқтығысып қалған еді. Кейін полиция өкілдері үш жол-көлік оқиғасына қатысты тексеру жұмыстары бастағанын хабарлады.

Мәтіннен қате тапсаңыз, бізге жазыңыз