Қазақстанда тамыз айынан бері коронавирустың ең жоғары өсімі тіркелді

Қазақстанда 613 адамда коронавирус індеті ПТР арқылы расталды деп хабарлайды coronavirus2020.kz.

Еліміздегі коронавирустың таралуына қатысты 6 қараша 23:59-дағы эпидемиологиялық жағдай жарияланды.

Қазақстанда кеше 613 адамда коронавирус дерті ПТР арқылы расталып ауырғаны белгілі болды. Бұл - елде тәулік ішінде коронавирус дертін жұқтырған 690-нан астам науқас саны анықталған 11 тамыздан кейін тіркеліп отырған екінші максималды өсім. Ресми статистикаға сәйкес, дерт жұқтырушылардың саны екінші апта қатарынан өсіп келеді.

Аймақтар бойынша:

Нұр-Сұлтан қаласы - 45

Алматы қаласы - 32

Шымкент қаласы - 3

Ақмола облысы - 38

Ақтөбе облысы - 4

Алматы облысы - 9

Атырау облысы - 15

Шығыс Қазақстан облысы - 253

Жамбыл облысы - 5

Батыс Қазақстан облысы - 44

Қарағанды облысы - 16

Қостанай облысы - 55

Павлодар облысы - 64

Солтүстік Қазақстан облысы - 29

Түркістан облысы - 1

Жалпы ел бойынша ауырғандар саны - 115 439.

Еске салсақ, бұған дейін біз Алматы облысында санитарлық бекет қойылғанын жазған едік. Аймақ тұрғындарының көпшілік орындарда бетперде тағып, үш адамнан артық топталып тұрмауы сұралады. 65-тен асқан азаматтардың көшеге шығуына шектеу қойылады.

Одан бөлек, Шымкентте кезекті рет карантин мерзімі ұзартылғанын жазған болатынбыз. Тиісті құжатқа сәйкес, Шымкентте карантин 23 қарашаға дейін ұзартылған.