Әйелдердің қанша жасқа дейін балалы болғаны жөн

Екі жас шаңырақ көтеріп, үйленгеннен кейін жылдамырақ балалы болғанды қалайды. Тіпті, айналасындағылардың бәрі қашан сәбилі болар екен деп қызықтаумен болады. Осы ретте репродуктолог маман қай жасқа дейін нәрестелі болу керектігін айтып берді деп хабарлайды

KAZ.NUR.KZ

порталы Риа Новостиге сілтеме жасап.

Репродуктолог дәрігер, медицина ғылымдарының докторы, профессор Ксения Краснопольскаяның сөзінше, әйел адам 35 жасқа дейін балалы болғаны дұрыс. Өйткені әйелдердің ұрпақ жаңғырту қызметі жас факторымен шектелген. Яғни келіншектердің жасы ұлғайған сайын оның жүкті болуына мүмкіндік азая бастайды..

"Ең дұрысы баланы 35 жасқа дейін босану керек, өйткені одан кейін бала туу мүмкіндігі төмендейді, сондықтан бірінші баланы ертерек босанған абзал", - деді дәрігер.

Ол барлық дамыған елдерде репродуктивті мінез-құлықтың өзгеруімен байланысты бедеулік мәселесі белең алып келе жатқанын атап өтті.

"Егер XIX ғасырда әйелдер бірнеше рет бала көтеріп, босанып, оны емізсе, қазір олар әртүрлі себептермен алдымен білім алады, мансабын жасайды, материалдық жағдайын қамтамасыз етеді, содан кейін бала туралы ойланады", - деді Ксения Краснопольская.

Оның айтуынша, егде жаста жүкті болған жағдайда әртүрлі аурулармен ауыру қаупі де жоғары.

Еске сала кетсек, британиялық Эми Палмер бес айлық ұлын емізіп отырған кезде кеудесінде ісіктің барын анықтаған. Бұл дерт баласы омырауындағы түйінді қолымен ұстағаннан кейін белгілі болған.

Сондай-ақ, қазақ эстрадасының жұлдызы Жазира Байырбекова 22 жылдан кейін сүйген қызының кімге ұқсайтынын айтып берді. Өнер иесі сәбиі Дараның әкесі Жанболат Ербатыровтан айнымай қалғанын жеткізген.

Мәтіннен қате тапсаңыз, бізге жазыңыз