Ғалымдар балалардың ақылды болып өсуіне не қажет екенін анықтады

Опубликовано:

Балалар
Фото: Getty via Canva

Бельгияда ғалымдар балалардың ақылды болып өсуіне қандай жағдай оң әсерін тигізетінін анықтады деп жазады KAZ.NUR.KZ порталы.

Бельгияның Хасселт университетіндегі зерттеушілер ағаш пен кез келген өсімдіктер мол жерде өскен балалардың IQ деңгейі жоғары болады деген тоқтамға келді.

Euronews Living сайтындағы ақпаратқа сәйкес, зерттеуге 10-15 жас аралығындағы түрлі аймақтарда тұратын 600-ден астам жеткіншек қатысқан.

Нәтижесінде баланың айналасындағы өсімдіктер санының небәрі 3 пайызға артуы баланың IQ деңгейін орта есеппен 2,6 пунктке жоғарылатыпты. Бұл жайт кез келген әлеуметтік-экономикалық топқа жататын балаға қатысты.

Осылайша ғалымдар баланың ақылды болуына тәрбие мен қаржылық жағдайдан бөлек ағаш пен кез келген өсімдіктердің әсері барын байқаған.

Балалар
Фото: Getty via Canva

Олардың пайымынша, жасыл аймақта өсетін балалар күйзеліске сирек ұшырайды, тыныштықтан ләззат ала алады әрі сыртта ойнаудың арқасында өзін дамыта түседі екен.

Одан бөлек ауаның тазалығына игі әсер етіп, аптап ыстықтықтан қорғайтын ағаштар балалардың денсаулығын да жақсартады дейді ғалымдар.

Еске салсақ, бұған дейін жапониялық мамандар 2 жастан кіші балаларға маска тағу қауіпті екенін анықтаған болатын. Олар бетперде кигенде тұншығып қалуы әбден мүмкін.

Одан бөлек елімізде балаларды коронавирустан емдеудің жаңа хаттамасы әзірленген болатын.

Мақаланың түпнұсқасы: https://kaz.nur.kz/kaleidoscope/1871382-galymdar-balalardy-akyldy-bolyp-suine-ne-kazet-ekenin-anyktady/