Қызы ақ шашпен дүниеге келген әйел баласына өз ерекшелігін қабылдап, бағалай білуді кішкентайынан баулуда. Ол сәбиінің суреттерін интернетке жүктеп, оны желі жұлдызына айналдырған деп жазады 4tololo.ru.
Майя Азиз есімді нәресте тек алдыңғы шашы ағарған күйі дүниеге келген. Анасы Талита қызының бұл ерекшелігіне таңырқай қоймады.
Себебі, оның отбасында шаштың ақ болуы тұқым қуалайтын ерекшелік екен. Дәрігерлер мұндай ерекшелікке пиедбалдизм (piebaldism) деген атау берген.
Қызы өз ерекшелігін дұрыс қабылдап үйренгенін қалаған анасы оған жиі фотосессия ұйымдастырып отырады.
Ал балақайдың желідегі суреттері көпшіліктің ыстық ықыласына бөленіп, бүгінде бүлдіршіннің парақшасына 22 мыңнан астам адам жазылып үлгеріпті.
Майя дүние есігін ашқанда, оның шашын көрген дәрігерлер таң болғандарын жасырмайды.
Талита қызын 40 жасқа толған кезінде 2018 жылдың ақпанында дүниеге әкелген. Майяның салмағы 4,25 келі, ал бойы 54 сантиметр болыпты.
Перзентханада өзге аналар Майяны бір көру үшін Талитаның палатасына жиі бас сұғып жүрген екен.
Сол сәттен бастап кішкентай жұлдыз дүниеге келгенін түсінген анасы оны түрлі ақ шашты фильм кейіпкерлерінің кейпінде суретке түсіруді қолға алады.
Еске салсақ, бұған дейін үйсіз азамат шаштараздың көмегімен сымбатты ер адамға айналып шыға келгенін жазған едік. Ол ұйысқан шашы мен сақалынан арылғаннан кейін адам танымастай өзгерген.
Мақаланың түпнұсқасы: https://kaz.nur.kz/kaleidoscope/1896364-erekse-ak-saspen-dniege-kelgen-sbiin-anasy-zldyzga-ajnaldyrdy/
