"Жұмысы қалпына келді": министрлік меморгандар сайтының істен шығуына байланысты мәлімдеме жасады

"Ұлттық ақпараттық технологиялар" АҚ сүйемелдейтін сервистердің жұмысы қалпына келтірілді. Бұл туралы KAZ.NUR.KZ Цифрлық даму министрлігіне сілтеме жасап хабарлайды.

"Цифрлық даму министрлігі "Ұлттық ақпараттық технологиялар" АҚ сүйемелдейтін сервистердің, соның ішінде eGov.kz порталының, eGov Mobile мобильді қосымшасының, E-license және Ашық үкімет порталдарының, мемлекеттік органдардың интернет-ресурстарының бірыңғай платформасының, сондай-ақ Цифрлық құжаттар сервисінің жұмысы қалпына келтірілгенін хабарлайды.

Сондай-ақ Халыққа қызмет көрсету орталықтарында және екінші деңгейлі банктер қосымшаларында мемлекеттік қызметтерді алу процесі қалпына келтірілді.

Келтірілген қолайсыздықтар үшін кешірім сұраймыз", - делінген хабарламада.

Айта кетейік, бұған дейін "Ұлттық ақпараттық технологиялар" АҚ өкілдері мемлекеттік органдардың серверлік орталығы инфрақұрылымының желісінде техникалық ақау шыққанын хабарлаған еді.

Мәтіннен қате тапсаңыз, бізге жазыңыз