"Алматы жастары" бағдарламасына өтінім қабылдау қашан басталады

"Алматы жастары" тұрғын үй бағдарламасына өтінім қабылдау 1 маусымда басталады, деп хабарлайды KAZ.NUR.KZ "Отбасы банкке" сілтеме жасап.

"Отбасыбанктің" баспасөз қызметінің хабарлауынша, 1 маусымнан бастап "Алматы жастары" бағдарламасына өтінім қабылдау басталады.

Бағдарламаның негізгі шарттары:

• несие сомасы — 20 млн теңгеге дейін
• пайыздық мөлшерлеме — 5 пайыз
• бастапқы жарна — 10 пайыз
• бастапқы және қайталама нарықтан тұрғын үй алуға болады.

Қатысу шарттары:

• қатысуышының жасы 35-тен аспауы керек
• Алматы қаласында кемінде 1 жыл тұрақты тіркеуі болуы қажет
• соңғы 5 жылда қатысушының және отбасы мүшелерінің атында тұрғын үй болмауы тиіс
• Алматы қаласында кемінде 6 ай ресми еңбек өтілі болуы керек
• міндетті зейнетақы жарналарының болуы қажет.

Өтінім қабылдау 1 маусым сағат 09:00-ден 15 маусым сағат 18:00-ге дейін жалғасады.

Айта кетейік, өтінім беру kezekte.kz порталы арқылы жүзеге асады. Порталға кіру үшін ЭЦҚ қажет.

Мәтіннен қате тапсаңыз, бізге жазыңыз