2023 жылғы 1 қаңтардағы жағдай бойынша еліміздегі халық саны қанша

Еліміздің Ұлттық статистика бюросы Қазақстан халқы санының өсімі туралы мәліметтерді жариялады, деп хабарлайды KAZ.NUR.KZ.

Ұлттық статистика бюросының мәліметінше, 2023 жылғы 1 қаңтардағы жағдай бойынша еліміздегі халық саны 19 765 004 мың адам болған.

Оның ішінде қалалықтар – 12 208,2 мың адам болса, ауыл халқы – 7 556,7 мың адам.

Жалпы бір жылда халық саны 261 мың 845 адамға өскен.

Айта кетейік, бұған дейін "Еңбек ресурстарын дамыту орталығы" АҚ болжамдау департаментінің сарапшылары еліміздегі туу, өлім-жітім және көші-қон көрсеткіштерінің негізінде демографиялық болжам жасаған болатын.

Мамандардың болжамынша 2050 жылға қарай Қазақстан халқының саны 27 миллионнан асуы мүмкін.