Қаржы министрлігі доллардың өсуі Қазақстан бюджеті үшін пайдалы болуы мүмкін екенін растады

Сенат отырысында қаржы министрі Мәди Тәкиевке "Доллардың теңгеге шаққандағы бағамының көтерілуі Қазақстан бюджетіне оң әсер ете ме?" деген сұрақ қойылды. Министрдің жауабы KAZ.NUR.KZ материалында.

Осыған дейін Ұлттық банк басшысы Тимур Сүлейменов мұнай компанияларының салықты доллармен төлеуіне байланысты валюта бағамының өсуі ел бюджетіне оң әсер ететінін айтқан болатын.

Қаржы министрлігінің басшысы бұл пікірді растап отыр.

"Иә, мен оның сөзін растаймын. Біздің мұнай компаниялары экспорттау кезінде салықты америкалық валютада төлейді. Сондықтан доллар бағамының өсуі бюджетке қосымша кіріс әкеледі. Алайда бұл бірден емес, келесі айларда салық есептілігі ұсынылған кезде байқалады", – деді Мәди Тәкиев.

Ұлттық банкте жұмада өткен брифингте Тимур Сүлейменов азаматтар Қазақстанда базалық мөлшерлеме көтерілген сәтте табыс таба алатынын мәлімдегенін еске саламыз. Ұлттық банк басшысы доллар бағамы көтерілген уақытта теңгеге ақша салуға кеңес берді.