RU

Қызылорда облысының әкімі Гүлшара Әбдіқалықованың жалақысы қанша

Гүлшара Әбдіқалықова
Гүлшара Әбдіқалықова. Фото: Ақорда

ОКҚ-да өткен онлайн-брифингте Қызылорда облысының әкімі Гүлшара Әбдіқалықова жалақысы қанша екенін айтты, деп жазады KAZ.NUR.KZ тілшісі.

Облыс әкімінің сөзінше, биыл айлығы айтарлықтай өскен.

"Менің жалақым 986 мың теңге деп бекітілген. Биыл факторлық-балдық жүйе бойынша 1,9-ға арттыру туралы шешім қабылданды.

Бірақ мен 2 жылдай еңбек демалысын алмағандықтан, бірден еңбек демалысын алдым. Қазір соңғы жалақым 986 мыңды 1,9-ға көбейтсек, шамамен 1,8 млн теңге", - дейді Гүлшара Әбдіқалықова.

Айта кетейік, бұған дейін Түркістан облысының әкімі Өмірзақ Шөкеевтің жалақысы қанша екенін хабарлаған едік.

Шенеунік айына шамамен 1 миллион 900 мың теңге (4400 доллар) алады.

Өмірзақ Шөкеев Түркістан облысының әкімі болып 2019 жылдың 26 ​​ақпанында тағайындалған. Әр жылдары ол экономика, ауыл шаруашылығы министрі, премьер-министрдің орынбасары болып, Қостанай, Оңтүстік Қазақстан облыстары мен елорданы басқарған.

Мақаланың түпнұсқасы: https://kaz.nur.kz/politics/1942809-qyzylorda-oblysynyn-akimi-gulsara-abdiqalyqovanyn-zalaqysy-qansa-tenge/