Мәдиев лауазымды қызметінен босатылды
Опубликовано:
Жаслан Мәдиев стратегиялық жоспарлау және реформалар агенттігі төрағасының орынбасары лауазымынан босатылды. Тиісті құжатқа Қазақстан президенті Қасым-Жомарт Тоқаев қол қойды, деп хабарлайды Ақорда.
"Мемлекет басшысының өкімімен Жаслан Хасенұлы Мәдиев Қазақстан Республикасының стратегиялық жоспарлау және реформалар агенттігі төрағасының орынбасары лауазымынан босатылды", - делінген құжатта.
Айта кетейік, бүгін бұрынғы энергетика министрі Мағзұм Мырзағалиев Қазақстан президентінің кеңесшісі болып тағайындалған еді.
Сонымен қатар, мемлекет басшысының жарлығымен Бейбіт Исабаев парламент сенатының депутаты болды.
Мақаланың түпнұсқасы: https://kaz.nur.kz/politics/1950979-madiev-lauazymdy-qyzmetinen-bosatyldy/
