Тоқаев ертең үкіметтің кеңейтілген отырысын өткізеді
Опубликовано:
Ертең, 8 ақпанда мемлекет басшысы Қасым-Жомарт Тоқаевтың төрағалығымен үкіметтің кеңейтілген отырысы өтеді. Бұл туралы президенттің баспасөз хатшысы Берік Уәли Facebook парақшасында хабарлады.
"Жиын барысында еліміздің былтырғы әлеуметтік-экономикалық дамуының қорытындылары туралы есеп беріледі және үкіметтің 2022 жылға арналған іс-қимыл жоспары қарастырылады", - деп жазды Берік Уәли.
Еске сала кетсек, бұған дейін Бейжің қаласындағы Халық жиналысы үйінде Қазақстан президенті Қасым-Жомарт Тоқаев пен Қытай Халық Республикасының төрағасы Си Цзиньпин келіссөз жүргізген еді.
Келіссөз барысында сауда-экономикалық байланыстарды арттырудағы бірлескен іс-қимылға ерекше назар аударылды.
Мақаланың түпнұсқасы: https://kaz.nur.kz/politics/1954974-toqaev-erten-ukimettin-keneitilgen-otyrysyn-otkizedi/