Қазақстандағы барлық сайлау учаскесі жұмысын бастады

Орталық сайлау комиссиясында өткен брифингте ОСК мүшесі Мұхтар Ерман Қазақстандағы президенттік сайлауға қазақстандықтардың қатысуы туралы айтты, деп хабарлайды KAZ.NUR.KZ.

Мұхтар Ерманның айтуынша, Астана уақыты бойынша сағат 08:15-те облыстық, Алматы, Шымкент және Астана комиссияларының жедел мәліметтеріне сәйкес, республика бойынша барлық 10 033 сайлау учаскесі және шет мемлекеттерде орналасқан Қазақстан өкілдіктеріндегі 17 сайлау учаскесі өз жұмысын бастады.

Сондай-ақ, оның айтуынша, уақыт белдеуіндегі айырмашылыққа байланысты шетелдегі тағы 51 сайлау учаскесі біртіндеп дауыс беруге қосыла бастайды.