"Референдум кезінде заңбұзушылық болған жоқ": халықаралық бақылаушы пікір білдірді

ТМД байқаушылар миссиясынан келген халықаралық байқаушы Леонид Анфимов референдумдағы құқықбұзушылықтар туралы пікір білдірді. Бұл туралы KAZ.NUR.KZ тілшісі хабарлайды.

Халықаралық байқаушы референдум заңға сәйкес өтті деп баға берді.

"Бірнеше бюллетенді дауыс беру жәшігіне салған жағдай болған жоқ. Егер мұндай фактілер болса осы елдің бақылаушылары халықаралық бақылаушыларға айтатын еді. Бізде мұндай факт тіркелген жоқ. Бірде-бір халықаралық бақылаушы мұндай жағдайға куә болғанын айтқан жоқ”,- деді ол.

Ол сондай-ақ қандай заңбұзушылықтар болғанын айтты.

"Насихат жұмысын жүргізу, сауалнама жүргізу кезінде заңбұзушылықтар болды. Басқа заңбұзушылықты анықтаған жоқпыз. Бұл көз жұма қарадық деген сөз емес, заңбұзушылық расымен болмады. Біз бейтарап бақылаушымыз",- деді ол.

Айта кетейік, песпубликалық референдумның алдын ала қортындысы жарияланды. Ресми дерек бойынша, 5 561 937 адам немесе дауыс берушілердің 71,12 пайызы АЭС салуды қолдап дауыс берген.

Мәтіннен қате тапсаңыз, бізге жазыңыз