Қазақстанда Қауіпсіздік кеңесінің жаңа хатшысы тағайындалды

Ғизат Дәуренбекұлы Нұрдәулетов Қауіпсіздік кеңесінің хатшысы болып тағайындалды, ол бұрынғы атқарған лауазымынан босатылды. Бұл туралы Ақорда Telegram-дағы ресми арнасында хабарлады.

"Мемлекет басшысының жарлығымен Ғизат Дәуренбекұлы Нұрдәулетов Қазақстан Республикасы Қауіпсіздік Кеңесінің Хатшысы болып тағайындалды, ол бұрынғы атқарған лауазымынан босатылды", - делінген Ақорда хабарламасында.

Еске сала кетейік, бұған дейін мемлекет басшысы Қасым-Жомарт Тоқаев Президент әкімшілігінде кадрлық ауыс-түйіс жасаған болатын.

• Мұрат Қалибекұлы Баймұқашев Қауіпсіздік кеңесі хатшысының орынбасары болып тағайындалды, ол бұрынғы атқарған лауазымынан босатылды;
• Қанатбек Бақытұлы Жайсаңбаев Президент әкімшілігінің Өтініштерді қарауды бақылау бөлімінің меңгерушісі лауазымына тағайындалды;
• Руслан Мұхтарұлы Тұрғаналы Президент әкімшілігінің Мемлекеттік қызмет бөлімінің меңгерушісі болып тағайындалды, ол бұрынғы атқарған лауазымынан босатылды;
• Алексей Дмитриевич Калайчиди Президент әкімшілігінің Құқық қорғау жүйесі бөлімінің меңгерушісі болып тағайындалды, ол бұрынғы атқарған лауазымынан босатылды;
• Расул Қабдоллаұлы Оразғұлов Қауіпсіздік кеңесінің қауіпсіздіктің өзекті мәселелері бөлімінің меңгерушісі болып тағайындалды, ол бұрынғы атқарған лауазымынан босатылды;
• Айдын Жеңісұлы Құлсейітов Президент әкімшілігінің Әлеуметтік-экономикалық саясат бөлімінің меңгерушісі болып тағайындалды, ол бұрынғы атқарған лауазымынан босатылды;
• Ернар Лазар Президент әкімшілігінің Сыртқы саясат бөлімінің меңгерушісі болып тағайындалды, ол бұрынғы атқарған лауазымынан босатылды.

Сондай-ақ мемлекет басшысы Қасым-Жомарт Тоқаевтың жарлығымен Президент әкімшілігінде басқару құрылымының өзгеруіне байланысты бірнеше шенеунік лауазымынан босатылғаны туралы жазған едік.

Оған қоса мемлекет басшысының жарлығымен президенттің үш жаңа көмекшісі тағайындалды.

Мәтіннен қате тапсаңыз, бізге жазыңыз