Белгілі журналист Ержан Байтілес президент баспасөз хатшысының орынбасары болды

Белгілі журналист Ержан Байтілес президент баспасөз хатшысының орынбасары қызметіне кіріскен. Бұл туралы Берік Уәли Facebook-тегі ресми парақшасында мәлімдеді.

"Белгілі журналист Ержан Байтілес бүгіннен бастап Қазақстан Республикасы Президенті Баспасөз хатшысының орынбасары қызметіне кірісті. Ол бұған дейін ҚР Мемлекеттік кеңесшісі Хатшылығы меңгерушісінің орынбасары болып еңбек еткен болатын.

Әріптесімізге сәттілік тілейміз", - деп жазды президенттің баспасөз хатшысы Берік Уәли.

Естеріңізге сала кетейік, 12 қыркүйекте Берік Уәли президенттің кеңесшісі әрі баспасөз хатшысы болып тағайындалған болатын. Танымал журналист бұған дейін де яғни, 2019 жылғы наурыз бен 2022 жылғы наурыз аралығында мемлекет басшысының баспасөз хатшысы қызметін атқарған еді.

Мәтіннен қате тапсаңыз, бізге жазыңыз