Өнеркәсіп және құрылыс министрлігінде де кадрлық ауыс-түйіс болды

Өнеркәсіп және құрылыс министрлігінде үш вице-министр мен аппарат басшысы тағайындалды, деп хабарлайды үкіметтің баспасөз қызметі.

"Үкімет қаулысымен Тимур Жиенбайұлы Қарағойшин, Азамат Өмірзақұлы Бейісбеков және Иран Шарханұлы Шархан өнеркәсіп және құрылыс вице-министрлері лауазымдарына тағайындалды", - делінген хабарламада.

Сондай-ақ Өнеркәсіп және құрылыс министрінің бұйрығымен Рахымжан Ержанұлы Исақұлов ведомство аппаратының басшысы лауазымына тағайындалған.

Айта кетелік, бұған дейін көлік вице-министрлері және Көлік министрлігі аппаратының басшысы тағайындалған болатын.

Мәтіннен қате тапсаңыз, бізге жазыңыз