Түркістан облысы патрульдік полиция батальонына жаңа командир тағайындалды

Полиция капитаны Қанат Баймурзин Түркістан облысы ПД жергілікті полиция қызметі басқармасына бағынысты патрульдік полиция батальонының командирі болып тағайындалды. Бұл туралы KAZ.NUR.KZ облыстық ПД-ның Instagram-дағы парақшасына сілтеме жасап хабарлайды.

Жаңа басшыны жеке құрамға Түркістан облысы полиция департаменті әкімшілік полиция басқармасының бастығы полиция подполковнигі Қанат Ракишев таныстырды.

Қанат Баймурзин ішкі істер органдарындағы қызметін 2009 жылы жол қозғалысы қауіпсіздігін қамтамасыз ету, жол апаттарының алдын алу саласынан бастап, осы бағытта түрлі басшылық қызметтерде жұмыс атқарған.

Еске салайық, полиция подполковнигі Жасұлан Нысанбаев Түркістан қалалық полиция департаментінің бастығы болып тағайындалған еді. Ал оның бірінші орынбасары қызметін Алмас Мырзахметов атқарады.

Сондай-ақ полиция майоры Досжан Нұсқабеков Түркістан облыстық ПД тылмен қамтамасыз ету басқармасының басшысы болып тағайындалғанын жазғанбыз.