Тоқаев ішкі саясат мәселелері және коммуникациялар жөніндегі көмекшісін тағайындады

Арман Қырықбаев Қазақстан президентінің ішкі саясат мәселелері және коммуникациялар жөніндегі көмекшісі болып тағайындалды, ол бұрынғы атқарған лауазымынан босатылды. Бұл туралы Ақордаға сілтеме жасаған KAZ.NUR.KZ хабарлайды.

"Мемлекет басшысының жарлығымен Арман Оразбайұлы Қырықбаев Қазақстан Республикасы президентінің ішкі саясат мәселелері және коммуникациялар жөніндегі көмекшісі болып тағайындалды, ол бұрынғы атқарған лауазымынан босатылды", - делінген Ақорда хабарламасында.

Еске салсақ, Алматы әкімінің орынбасары қызметін атқарған Арман Қырықбаев былтыр көктемді жаңа қызметке тағайындалған еді. Ол Қазақстан Республикасы президенті әкімшілігінің Коммуникациялар бөлімінің меңгерушісі лауазымына тағайындалған болатын.

Қала әкімінің орынбасары қызметінде ол 2022 жылғы 12 ақпаннан бері болған.

Арман Қырықбаев 1976 жылы 20 қазанда Целиноград (қазіргі Астана) қаласында дүниеге келген. Қазақ мемлекеттік басқару академиясының, сондай-ақ Қазақстан Республикасы Сыртқы істер министрлігінің Дипломатиялық Академиясының түлегі. Мамандығы бойынша халықаралық экономист. Мемлекеттік қызметте, мәдениет және жастар саясаты саласында 25 жылдан астам жалпы еңбек өтілі бар.

Мамандығы - халықаралық экономист. Қазақстанның Өзбекстандағы елшілігінде, Сыртқы істер министрлігінде жұмыс істеген. 2005 жылы Медеу ауданы әкімінің орынбасары қызметін атқарды. Мәдениет министрлігінің Мәдениет комитетіне басшылық еткен. 2010 жылдан 2012 жылға дейін Қарағанды облысы әкімінің орынбасары болған.