Екатерина Смолякова мәжілістің жаңа депутаты болды

Екатерина Смолякова мандатын алып, Respublica партиясынан мәжілістің жаңа депутаты болды, деп хабарлайды KAZ.NUR.KZ төменгі палатаның баспасөз қызметіне сілтеме жасап.

"Екатерина Смолякова мәжілістің жаңа депутаты атанды. Ол – Respublica партиясы фракциясының өкілі. Бүгін ол мәжіліс депутаты ретінде ант қабылдап, Әлеуметтік-мәдени даму комитетінің мүшесі болып сайланды", - делінген мәжілістің Telegram-арнасында жарияланған хабарламада.

Айта кетейік, Екатерина Смолякова бұған дейін өкілеттілігі мерзімінен бұрын тоқтатылған Руслан Берденовтің орнына келді. Руслан Берденов Шымкент қаласы әкімінің орынбасары болып тағайындалды.

Respublica партиясының Орталық аппарат басшысының кеңесшісі Ришат Асқарбекұлының хабарлауынша, Екатерина Смолякова Талдықорғандағы Жансүгіров университетінің түлегі.

Қазақ тілі мен әдебиеті пәнінің мұғалімі. Қоғамдық жұмысқа ерте араласқан. KBTU Empowerment әйелдер клубын басқарады және Алматы облыстық №1 балалар үйінің Қамқоршылық кеңесінің төрайымы. Кейінгі қызметі ҚБТУ проректоры.

Мәтіннен қате тапсаңыз, бізге жазыңыз