Аида Балаева Қазақстан Қауіпсіздік кеңесі төрағасының орынбасары болып тағайындалды

Қазақстан президенті Қасым-Жомарт Тоқаев жаңа жарлыққа қол қойды. Ол Аида Балаеваны еліміздің Қауіпсіздік кеңесі төрағасының орынбасары қызметіне тағайындады, деп хабарлады KAZ.NUR.KZ Ақордаға сілтеме жасап.

Қазақстан президентінің баспасөз қызметі Қасым-Жомарт Тоқаевтың жаңа жарлыққа қол қойғанын мәлімдеді.

"Мемлекет басшысының Жарлығымен Аида Ғалымқызы Балаева Қазақстан Республикасы Қауіпсіздік Кеңесі Төрағасының орынбасары лауазымына тағайындалды", - делінген хабарламада.

Айта кетейік, Аида Балаева 2023 жылдың қыркүйегінен бері Қазақстан Республикасының Мәдениет және ақпарат министрі қызметін атқарып келеді. Сондай-ақ 2025 жылдың 1 желтоқсанынан бастап Аида Балаева премьер-министрдің орынбасары болып та жұмыс істейді.

Қазақстан үкіметіндегі тағайындаулар

Еске сала кетейік, бүгін Құрылтайдың пленарлық отырысында президент Қасым-Жомарт Тоқаев Ерлан Кариннің кандидатурасын вице-президент қызметіне ұсынды. Құрылтай депутаттары оның кандидатурасын қолдады.

Сондай-ақ Тоқаев Құрылтайдың пленарлық отырысында Олжас Бектеновті премьер-министр қызметінде қалдыруды ұсынды. Депутаттар ұсынылған кандидатураны мақұлдады.

Мәтіннен қате тапсаңыз, бізге жазыңыз