Тоқаев Айрықша мақсаттағы күштердің қолбасшысын тағайындады

Азамат Хасенов Мемлекеттік күзет қызметі бастығының орынбасары – Айрықша мақсаттағы күштердің қолбасшысы лауазымына тағайындалды. Тиісті жарлыққа президент Қасым-Жомарт Тоқаев қол қойды, деп хабарлайды Ақордаға сілтеме жасаған KAZ.NUR.KZ.

"Мемлекет басшысының өкімімен Азамат Бақытжанұлы Хасенов Қазақстан Республикасы Мемлекеттік күзет қызметі бастығының орынбасары – Айрықша мақсаттағы күштердің қолбасшысы лауазымына тағайындалды", - делінген хабарламада

Бүгін сондай-ақ Тоқаев қорғаныс министрінің бірінші орынбасары – ҚР Қарулы Күштері Бас штабының бастығын тағайындады. Бұл лауазымға Айтқұрман Омарбеков келді.

Ал Азамат Есқараев Президент әкімшілігінде лауазымды қызметке тағайындалды.

Мәтіннен қате тапсаңыз, бізге жазыңыз