Тоқаев Дулат Ағаділдің өліміне қатысты пікір білдірді

Қазақстан президенті Қасым-Жомарт Тоқаев елордалық тергеу изоляторында қамауда отырған азаматтық белсенді Дулат Ағаділдің өліміне қатысты пікір білдірді. Бұл мәселе мемлекет басшысының Informburo.kz порталына берген ауқымды сұхбатының барысын қозғалды деп хабарлайды KAZ.NUR.KZ.

Президентпен сұхбат барысында журналист соңғы кезде қоғамда қызу талқыланып жатқан қазақстандық белсендінің өліміне қатысты сұрақ қойды.

Ақпарат өкілі Дулат Ағаділдің тергеу изоляторында өткір жүрек-қан тамыр жеткіліксіздігінен қайтыс болғаны жайлы ресми мәлімдемеге сенбейтіндер бар екенін айтып өтті. Ол мемлекет басшысынан аталмыш жағдайға қатысты пікір білдіруін сұраған.

Қасым-Жомарт Тоқаевтың сөзінше, белсендінің өлімі қоғамда ауқымды резонанс тудырған. Президент іс материалдарымен толықтай танысып шыққанын жеткізді.

"Өкінішке орай, белсенді Ағаділ жүрек-қан тамыр жеткіліксіздігінің нәтижесінде қайтыс болды деп сенімді түрде айта аламын. Басқаша айту - шындыққа қарсы шығу" , - деді ол.

Тоқаев ер адамның қандай көзқараста болғаны маңызды емес екенін алға тартып, біріншіден, оны адам ертінде қабылдау керектігін айтты. Оның сөзінше, әр адамның өмірі аса құнды.

Мемлекет басшысы Дулат Ағаділдің туғандары мен жақындарына қайғыра көңіл айтты.

Айта кетейік, ертең Қасым-Жомарт Тоқаев бүкіл Қазақстанды дүрсілкіндірген тәртіпсіздіктер орын алған Қордай ауданына барады. Президент ауыл тұрғындарымен кездеспек.

Оған қоса, Тоқаев коронавируске қатысты пікір білдіріп, Қазақстанда оның алдын алу үшін қандай шара қолданылып жатқанын айтты.

Ең маңызды әрі қызықты жаңалықтарды біздің Telegram арнамыздан оқыңыздар!

Мәтіннен қате тапсаңыз, бізге жазыңыз