Қошанов парламент палаталарының бірлескен отырысын шақырды

Парламент палаталарының бірлескен отырысын мәжіліс төрағасы Ерлан Қошанов шақырды, деп хабарлайды KAZ.NUR.KZ парламент мәжілісінің ресми сайтына сілтеме жасап.

Мәжіліс төрағасы Ерлан Қошанов парламент палаталарының бірлескен отырысын шақыру туралы өкімге қол қойды.

"Қазақстан Республикасы Конституциясының 58-бабының 4-тармағының 2) тармақшасына сәйкес Астана қаласында 2023 жылғы 13 қаңтарда сағат 10.00-де Қазақстан Республикасы парламенті палаталарының бірлескен отырысы шақырылсын", – делінген бұйрық мәтінінде.

Еске салайық, парламент палаталарының бірлескен отырысының алдыңғы шақырылымы былтыр желтоқсан айында өткен болатын.

Сонымен қатар, бүгін мәжіліс депутаты Арман Қожахметов Қазақстан парламентінің төменгі палатасы қаңтар айында таратылуы мүмкін екенін айтқан болатын. Депутаттың айтуынша, бұған дейін президент бірінші жартыжылдықта мәжілісті тарату туралы шешім қабылданатынын айтқан. Дегенмен, Қожахметов нақты қай күні екенін атаған жоқ, тек қана осы айда болуы мүмкін деп болжады.

Мәтіннен қате тапсаңыз, бізге жазыңыз