Қазақстандық әскерилер 9 мамырда Мәскеуде өтетін парадқа қатыса ма
Опубликовано:
ОКҚ өткен брифингте Қазақстан Қарулы күштері Бас штабының өкілі 9 мамыр Жеңіс күні Мәскеуде өтетін парадқа қазақстандық әскерилер қатыса ма деген сауалға жауап берді, деп хабарлайды KAZ.NUR.KZ.
"Мәскеудегі парадқа қатысу мәселесіне келсек. Қазіргі уақытта Ресей Федерациясы мен Қазақстан Республикасы арасындағы ынтымақтастық аясында бұл мәселе әзірге күн тәртібінде тұрған жоқ", – деді Қазақстан Қарулы күштерінің Бас штаб департаменті бастығының орынбасары Дәурен Абдуллин.
Еске салсақ, Қорғаныс министрлігінің баспасөз қызметі биыл елімізде 7 мамыр – Отан қорғаушылар және 9 мамыр – Жеңіс күні мейрамына орай әскери шеру өтпейтінін хабарлаған болатын. Оны министрлік бюджет қаражатын үнемдеу және басқа да міндеттерді шешу қажеттігімен түсіндірген.
Сондай-ақ мемлекет басшысы Қасым-Жомарт Тоқаевтың Отан қорғаушылар күні мен Жеңіс күніне арналған бірқатар іс-шараға қатысатыны белгілі болған еді.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/politics/kazakhstan/2018205-qazaqstandyq-askeriler-9-mamyrda-maskeude-otetin-paradqa-qatysa-ma/