Тоқаев ел тұрғындарын Мемлекеттік рәміздер күнімен құттықтады

Қазақстан президенті Қасым-Жомарт Тоқаев ел тұрғындарын Мемлекеттік рәміздер күнімен құттықтады.

Бұл туралы мемлекет басшысы Twitter әлеуметтік желісіндегі парақшасында жазды.

"Барша отандасымды Мемлекеттік рәміздер күнімен құттықтаймын! Еліміз үшін Көк байрағымыздың, Елтаңбамыз бен Әнұранымыздың мән-маңызы айрықша. Бұл құндылықтар бойымызға зор мақтаныш және жауапкершілік сезімін ұялатады. Мемлекеттік рәміздерді қадірлеу – әр азаматтың қастерлі парызы!" - деді Қасым-Жомарт Тоқаев.

Еске сала кетейік, бұған дейін мемлекет басшысы Қасым-Жомарт Тоқаев ұлықтау рәсімінде Режеп Тайип Ердоғанды Түркия президенті болып сайлануымен құттықтаған еді.