Тоқаев күні кеше елші болып тағайындалған Мұхтар Тілеубердіге бірқатар тапсырма берді
Опубликовано:
Мемлекет басшысы Қазақстанның Аустриядағы елшісі, Вена қаласындағы халықаралық ұйымдар жанындағы тұрақты өкілі болып тағайындалған Мұхтар Тілеубердіні қабылдады. Бұл туралы Ақорда ресми сайтында хабарлады.
Кездесу барысында президент Аустриямен және Венадағы салалық халықаралық ұйымдармен ынтымақтастықты одан әрі дамыту қажеттігін атап өткен.
Сондай-ақ Қасым-Жомарт Тоқаев дипломатқа Қазақстанның серіктес мемлекеттермен екіжақты және көпжақты форматтағы өзара қарым-қатынастарын нығайту жөнінде бірқатар нақты тапсырма берген.
Еске салсақ, 14 тамызда бұрынғы Сыртқы істер министрі Мұхтар Тілеуберді Қазақстанның Аустриядағы төтенше және өкілетті елшісі, Қазақстанның Вена қаласындағы халықаралық ұйымдар жанындағы тұрақты өкілі лауазымына тағайындалды.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/politics/kazakhstan/2032560-toqaev-tayauda-gana-elsi-bolyp-tagaiyndalgan-muxat-tileuberdige-birqatar-tapsyrma-berdi/