Тоқаев қазақстандықтарды Ұлттық домбыра күнімен құттықтады

Президент Қасым-Жомарт Тоқаев Ұлттық домбыра күніне орай Х-тегі парақшасында құттықтау жариялады. Бұл туралы KAZ.NUR.KZ хабарлайды.

"Ұлттық домбыра күні құтты болсын! Бұл мерекенің қазақ руханияты үшін мән-маңызы зор. Қастерлі аспап дала өркениетінің ажырамас бөлігіне айналды. Төл мәдениетіміздің құнды қазынасын сақтау – баршамыздың парызымыз. Домбыра төрден түспесін!" - деп жазды мемлекет басшысы.

Айта кетейік, Қазақстанда Ұлттық домбыра күні 2018 жылдан бері атап өтіліп келеді. Сол жылы шілденің бірінші жексенбісі Ұлттық домбыра күні болып бекітілген.

Сондай-ақ аспап туралы қызық деректерді ұсынған едік.

Мәтіннен қате тапсаңыз, бізге жазыңыз