Тоқаев 20 қаңтарда Қызылордада өтетін Ұлттық құрылтайдың отырысында сөз сөйлейді

Мемлекет басшысының баспасөз хатшысы Руслан Желдібай биыл Ұлттық құрылтайдың V отырысы Қызылорда қаласында өтетінін айтты, деп хабарлайды KAZ.NUR.KZ.

Руслан Желдібай Telegram желісіндегі арнасында Ұлттық құрылтайдың V отырысы 20 қаңтар күні Қызылордада өтетінін мәлім етті.

"Сыр бойындағы жиында президент Қасым-Жомарт Тоқаев сөз сөйлеп, Қазақстанның келешек даму бағдары мен қоғамдағы өзекті мәселелер туралы ойларын ортаға салады", - делінген хабарламада.

Естеріңізге сала кетейік, Ұлттық құрылтайдың алғашқы отырысы 2022 жылы Ұлытауда өткен еді.

Ал 2023 жылы Түркістанда болды.

2024 жылы – Атырауда, былтыр Бурабайда өтті.

Мәтіннен қате тапсаңыз, бізге жазыңыз