Түркиядан Қазақстанға арнайы бортпен 64 адам эвакуацияланды
Опубликовано:
Қазақстанның Түркиядағы елшілігінің ұйымдастыруымен кері рейс арқылы ИЛ-76 ұшағымен 64 адам - 42 Қазақстан азаматы және 22 Қырғызстан азаматы Астанаға қайтарылды. Елге оралған азаматтар Газиантеп, Мерсин, Кахраманмараш, Диарбакыр, Шанлыурфа және Элязык провинцияларынан келді, деп хабарлайды KAZ.NUR.KZ Қазақстан Сыртқы істер министрлігінің Телаграм каналына сілтеме жасап.
Қазақстан президенті Қасым-Жомарт Тоқаевтың тапсырмасымен Түркиядағы жер сілкінісінен зардап шеккендерге қосымша көмек көрсету үшін Төтенше жағдайлар министрлігінің екінші эшелоны қажетті іздестіру-құтқару құрал-жабдықтары тиелген ұшақпен 8 ақпанда Газиантеп қаласына барған болатын.
Еске сала кетсек, 8 ақпанда қазақстандық құтқарушыларды Түркиядағы апат аймағына жеткізген ұшақ бос қайтпай, 18 адамды алып келген болатын. Оның 16-сы – Қазақстан, екеуі Қырғызстан азаматы.
- Футболдан түркиялық команданың бас бапкері қиранды астында қалып, ауруханада жан тапсырды
- Түркиядан оралған қазақстандықтар жер сілкінісін қалай бастан кешкенін айтып берді (видео)
Мәтіннен қате тапсаңыз, бізге жазыңыз
Оригинал статьи: https://kaz.nur.kz/politics/universe/2008676-turkiyadan-qazaqstanga-arnaiy-bortpen-64-adam-evakuaciyalandy/