Тоқаев Иордан Хашимит Корольдігіне ресми сапармен барады

Мемлекет басшысы жақын күндері Иордан Хашимит Корольдігіне ресми сапармен барады. Бұл туралы KAZ.NUR.KZ Ақордаға сілтеме жасап хабарлайды.

"Президент Қасым-Жомарт Тоқаев 18-19 ақпан күндері Король II Абдалла бен әл-Хусейннің шақыруымен Иордан Хашимит Корольдігіне ресми сапармен барады.

Сапар барысында сауда-экономикалық және мәдени-гуманитарлық салалардағы екіжақты ынтымақтастықты одан әрі дамытуға бағытталған жоғары деңгейдегі келіссөздер өтеді", - делінген хабарламада.

Естеріңізге сала кетейік, Қасым-Жомарт Тоқаев пен Иордания королі II Абдалла БҰҰ Бас Ассамблеясының 77-сессиясы кезінде жүздескен еді.

Ал былтыр мамырда мемлекет басшысы II Абдалла бен әл-Хусейн мен иордан халқын барша қазақстандықтың және жеке өзінің атынан Иордания Корольдігінің ұлттық мерекесі – Тәуелсіздік күнімен құттықтаған болатын.

Мәтіннен қате тапсаңыз, бізге жазыңыз