Әлемді бағындырған жұлдыздардың зираттары қайда орналасқан

Бір күнде өмірге мыңдаған сәби келіп, тағы мыңдаған адам жер қойнына беріледі. Өлім сағаты ешкімді де, тіпті әйгілі жұлдыздарды да айналып өтпейтіні анық. Осы ретте

KAZ.NUR.KZ

BigPicture.ru-ға сілтеме жасап, артында өшпес із қалдырған, әлемге танымал жандардың зираттары қайда орналасқанын жазады.

Джо Дассен

Француз композиторы әрі әншісі 42 жасында мейрамханада түскі ас кезінде жүрегі тоқтап қайтыс болған. Оның денесі өзі қалағандай, Голливудтағы зиратқа, туыстарының жанына қойылған.

Уитни Хьюстон

Уитни тірі кезінде көптеген марапаттарға ие болды. Ол ең табысты әнші атанған. Супер жұлдыздың денесі Уэстфилдтегі зиратқа қойылған.

Виктор Цой

Ән авторлары, әнші, музыкант Виктор Цой небәрі 28 жасында жол апатына түсіп, өмірден өткен. Ол Санкт-Петербургтегі Богословский бейітіне жерленген.

Майкл Джексон

Әлемге әйгілі Майкл Джексонның денесі Калифорнияның Глендейл қаласындағы Үлкен мазарға қойылған. Ол жерге кез келген адам кіре алмайды. Алайда әншінің өмірден өткеніне бір жыл болғанда оның жанкүйерлері мазарға кіруге мүмкіндік алған.

Элвис Пресли

Әнші, актер Элвис Пресли жүрегі ауырып қайтыс болған. Бастапқыда оның денесі зиратқа жерленді. Алайда қаскөйлер оның зиратын бұзуға талпынған. Содан соң туыстары әншіні "Грейследке" қайта жерлеген.

Фредди Меркьюри

Танымал рок-орындаушы Фредди Меркьюридің зиратын тек оның туыстары мен достары ғана білген. Алайда 2013 жылы The Daily Mirror басылымында әншінің жанкүйерлері жұлдыздың зиратын тапқаны туралы хабар тарады. Фредди Меркьюридің денесі Лондонның батысындағы Кенсал Грин бейітіне жерленген.

Еске сала кетсек, бұған дейін сүйіктілерімен мектеп кезінен бері таныс жұлдыздар туралы жазған едік.

Ең маңызды әрі қызықты жаңалықтарды біздің Telegram арнамыздан оқыңыздар!

Мәтіннен қате тапсаңыз, бізге жазыңыз