Top.Mail.Ru

Сайт нұсқасы

ru kz

Зектілері

Әміре өзіне қатысты "шудан" кейін Дұғалованың видеосын бөлісті

Опубликовано:

Әміре мен Жанар Дұғалова
Фото: Instagram/amre_official

Отандық танымал әнші Әміре өнердегі әріптесі Жанар Дұғалованың суретіне пікір қалдырамын деп, желіні әбден шулатты. Оқырмандар қос әншінің арасында махаббат сезімі болуы мүмкін екенін болжады. "Кешью" тобының бұрынғы мүшесі бұл жайында үнсіздік сақтаса, "Маска" шоуының қатысушысы елді одан бетер қызықтыра түсті деп жазады KAZ.NUR.KZ.

Әміре өзін Жанар Дұғаловаға қосқан көпшілікті одан бетер ойландырып қойды. Өнер иесі желідегі кішігірім шудан кейін Instagram парақшасында "Кешью" тобының бұрынғы солисінің видеосын бөліскен.

Бейнежазбада Дұғалованың ұялы телефонға қарап, сөйлеп отырғанын көруге болады. Айта кетерлігі, автор видеоның дауысын өшіріп тастаған.

Желі қолданушылары бұл жайттан кейін қос әншінің қарым-қатынасын одан бетер қызу талқылауға көшті.

Айта кетейік, "Маска" шоуында жұлдызы жанған Әміре өнердегі әріптесі Жанар Дұғалованың суретіне пікір білдіремін деп желіде қызу талқыға қалған болатын Қалың көпшілік оның "Кешью" тобының бұрынғы мүшесіне ғашық екенін болжады.

Желідегі қызу пікірталасқа Дұғалованың жаңа фотосы себеп болған. Өнер иесі Instagram парақшасында өзінің ерекше суретімен бөлісіп, барша оқырмандарын қуантқан. Эстрада жұлдызының асқан сұлулығына тәнті болғандар қатарында әнші Әміре де бар болып шықты. Ол Дұғалованың суретінің астына жүректің белгісін қалдырып, бірден қызу талқыға қалды.

Мақаланың түпнұсқасы: https://kaz.nur.kz/showbiz/1925253-amire-ozine-qatysty-sudan-keiin-dugalovanyn-videosymen-bolisti/

pixel