Танымал өнер жұлдыздары президент сайлауында дауыс берді

Опубликовано:

Роза Рымбаева
Роза Рымбаева. Фото: NUR.KZ / Владимир Третьяков

Алматыда сайлау бөлімшесіне келген Халық әртісі Роза Рымбаева мен дизайнер Аида Қауменова президент сайлауына дауыс берді, деп хабарлайды KAZ.NUR.KZ.

Роза Рымбаева сайлау бөлімшесіне ұлы Әли Оқаповпен бірге келген. Өз таңдауын жасап, дауыс бергеннен кейін әнші журналистердің сауалына жауап берді.

Роза Рымбаева мен Әли Оқапов
Роза Рымбаева мен Әли Оқапов. Фото: NUR.KZ / Владимир Третьяков

"Бүгін елімізде тарихи күн. Мен еліміздің басшысын сайлауға үлес қосу мақсатында дауыс беруге келдім. Мен дауыс беруге үнемі қатысамын және әріптестерім арасында дауыс беруге бірінші келетіндердің бірімін. Мен дауыс беруге міндеттімін деп ойлаймын", - деді Роза Рымбаева.

Ал дизайнер Аида Қауменова дауыс берген сайлау бөлімшесі №17 мектеп-лицейде орналасқан.

Аида Қауменова
Аида Қауменова. Фото: NUR.KZ / Владимир Третьяков

"Бүгін сайлауға келіп, өз таңдауымды жасадым. Қазақстан азаматы ретінде болашағымызды дамытуға дауыс беру арқылы үлес қосатынымды сездім", - дейді дизайнер.

Мақаланың түпнұсқасы: https://kaz.nur.kz/showbiz/1998012-tanymal-oner-zuldyzdary-prezident-sailauynda-dauys-berdi-foto/