"Азия" тобының әншісі Нұрсұлтан Батырқұлов алғаш рет отбасы жайлы айтты

"Азия" тобының мүшесі Нұрсұлтан Батырқұлов 2021 жылы шаңырақ көтерді. Өнер иесі "Ұйқым келмейді" бағдарламасында алғаш рет отбасы жайлы айтты, деп жазады KAZ.NUR.KZ.

Батырқұловтың айтуынша, ол бүгінгі таңда екі баланың әкесі атанып үлгерген.

"Үйленгеніме 2,5 жыл болды. Жағдайым жайлы. Аллаға шүкір, екі баламыз бар. Дінмұхаммед есімді ұлым және Раяна деген қызым бар. Өзім кешігіп, 31 жаста үйлендім ғой ", - деді Нұрсұлтан Батырқұлов.

Айта кетейік, әнші карантин уақытында той жасап, көпшіліктің сынына қалған болатын.

Естеріңізге сала кетейік, осыған дейін "Азия" тобы осыған дейін өздеріне қатысты ел арасындағы қауесетке жауап берген болатын. Әншілер топтың көпшілік назарынан тыс қалу себебін айтты.