Әнші Саят Медеуов жол апатына түскен кезін еске алды

Танымал әнші Саят Медеуов отандық бағдарламаға ерекше образда киініп келген. "Ұйқым келмейді" бағдарламасында бас киімін тастамаған әнші бұл ісінің себебі денсаулығына байланысты екенін түсіндірді, деп жазады KAZ.NUR.KZ.

Бағдарлама жүргізушісі әншіден "Сіздің образыңызға ерекше таңданыспен қарап отырмын. Бас киіммен түсірілімге келгеніңізді өмірі көрмеппін", - деп сұрады.

Ал Саят Медеуов денсаулығын емдеп жүргендіктен, бас киім киюге мәжбүр болғанын айтты.

"Иә, мұндай болмап еді. "Құдай жүгіртпегенді, бұзау жүгіртеді" деп қазақ айтады ғой. 2020 жылдан бері неше түрлі жағдай болды. Жалпы ұлттың басына қиыншылық туды. Сол кезде менде де неше түрлі жағдай болды.

Ата-анам өмірден өтті. Өзім коронавирус болып ауырдым. Енді жақсы болдым ғой дегенде жол апатына түсіп қалдым. Соның барлығы әсер етті ме, шашым түсті. Содан кейін шашымды алып, емдеттім. Сол себепті бас киіммен шығып отырмын. Амалдың жоқтығынан осылай болды", - деді Саят Медеуов.

Айта кетейік, осыған дейін Саят Медеуов Төреғали Төреәлидің оқиғасына қатысты пікір білдірді.