"Бұрыннан білдік": Мадина Сәдуақасова Ерке мен Раимға бақыт тіледі (видео)

Шоу-бизнес әлемін дүр сілкіндірген Ерке Есмахан мен Раимның махаббаты жайлы жаңалыққа Мадина Сәдуақасова пікір білдірді. Сәдуақасова жұлдызды жұптың махаббаттарын бұрыннан білетінін айтып, Ерке Есмаханға бақыт тіледі, деп жазады KAZ.NUR.KZ.

Бірнеше күн бұрын әлеуметтік желіде қос әнші Ерке Есмахан мен Раимның махаббаты жайлы қауесет желдей есті.

Осыдан кейін Раим Ерке Есмаханмен көңіл қосып жүргенін растап, әлеуметтік желіде екеуінің шетелдегі саяхатынан сурет жариялады.

Раимның мәлімдемесінен соң Ерке Есмахан да сүйіктісіне сезімге толы жазба жариялап, махаббатын растады.

Ал бүгін отандық әнші Мадина Сәдуақасова жұлдызды жұптың махаббатынан хабардар болғанын айтып, Ерке Есмаханға бақыт тіледі.

"Соңғы жаңалықтар жүректі жылытып жатыр. Біздің Ерке мен Раим екеуі өз ғашықтық сезімін бүкіл Қазақстанға айтып жатыр. Біз бұрыннан білдік. Алайда айтуға қақымыз болған жоқ.

Достар, сіздер екі жасты қатты сөкпеңіздер. Махаббат жасқа қарамайды. Оны мен дәлелдеп, айта аламын. Тек қана бақыт тілейік", - деді Мадина Сәдуақасова.

Мәтіннен қате тапсаңыз, бізге жазыңыз