"Көзінше қыздармен әзілдесемін": Ғазизхан Шекербеков отбасындағы қызғанышқа қатысты пікірін айтты

Әнші әрі композитор Ғазизхан Шекербеков алғаш рет жұбайы Ботакөзді көпшілікке таныстырып, өздерінің отбасылық қарым-қатынасы туралы сыр шертті, деп хабарлайды Қызықты Weekend бағдарламасына сілтеме жасаған KAZ.NUR.KZ.

"Қызғаныш бар шығар... Әрине, қызғаныш бар. Бірақ қызғануы мүмкін-ау деген адамның бәрімен таныстырамын. Сосын ол қыздармен көзінше әзілдесемін. Достық қарым-қатынас екенін түсінеді өзі", - деді Ғазизхан.

Сондай-ақ әнші сүйіктісін телефонында қалай сақтағанын да айтты.

"Үйленбей тұрып "Сары қыз" деп айтатынмын. Телефонда да солай тұр. Сары гүлдің суретімен... Бота десем өзі біртүрлі болып қалады", - деді әнші.

Айта кетелік, бұған дейін әншінің әйелі болашақ жарымен танысу үшін алғаш болып өзі хат жазғанын мәлімдеген болатын.

Мәтіннен қате тапсаңыз, бізге жазыңыз