"Тауық та, балық та жемейді": Бүркіт жұбайы Аишаның ел білмейтін құпиясын бөлісті

Көпшілікке Бүркіт лақап атымен танылған Айбек Жансейітов жұбайы жайлы ел білмейтін сырды бөлісті. Өнер иесі "Уақыт көрсетеді" бағдарламасында әйелі Аишаның вегетариан екенін айтты, деп жазады KAZ.NUR.KZ.

"Ет жемейді. Тауық та, жұмыртқа да жемейді. Балық та жемейді. Білмеймін осы уақытқа дейін не жеп жүргенін?

Анда-санда бешбармақ дайындайды. Бірақ бізде көмекші бар. Үйде қой соямыз. Ол кісі қарсы болады. Бірақ қазақпыз ғой, қанда бар нәрсе", - деді Бүркіт.

Айта кетейік, осыған дейін Бүркіт халық арасында жұбайы мен Болат Назарбаевқа қатысты тараған қауесетке нүкте қойған болатын.