Фариза Төреәлі жүктілігін ең алғаш күйеуіне хабарлаған сәтті көрсетті (видео)

Төреғали Төреәлінің қарындасы осыдан бірнеше күн бұрын ана атанғанын айтып, көпшіліктен сүйінші сұрады. Өнер иесі Instagram парақшасында жүктілігі жайлы күйеуіне алғаш хабарлаған сәтті көрсетті, деп жазады KAZ.NUR.KZ.

"Нью-Йоркте "Әйел құпиясы" атты жобамның түсірілімінде жүрген кезім. Түсірілім алдында жүкті екенімді біліп, қатты қуандым. Осылайша, бұл қуанышымды Дарханмен бөлістім.

Күйеуімнің жүктілігім жайлы естігендегі сезімі видеода", - деп жазды Фариза Төреәлі.

Видеода Фариза жұбайына қорапшаға салынған жүктілікке арналған тестті ұсынады.

Ал мұны көрген Дархан Нортаев "Аллаға шүкір" деп жұбайын құшағына басты.

Желі қолданушылары блогердің отбасына жақсылық тілеп, қуанышына ортақтасты.

"Асырап алды дегендер қайдасыздар?", "Бақыт тыныштықты сүйеді", "Тіл мен көзден сақтасын", "Бақытты болыңыздар", - деп жазды желі қолданушылары.

Айта кетейік, кеше Төреғали Төреәлінің қарындасы әлеуметтік желіде қуанышты жаңалығын бөліскен болатын. Фариза Төреәлі тұңғышын дүниеге әкелген.

Мәтіннен қате тапсаңыз, бізге жазыңыз