"Жаман болып қалдым": Ерке Есмахан денсаулығы сыр бергенін айтты

Қазақстандық танымал әнші Ерке Есмахан желіде оқырмандарымен байланысқа шығып, сырқаттанып қалғанын айтты. Өнер иесі екі күн бойы қатты ауырғанын жеткізді, деп жазады KAZ.NUR.KZ.

Ерке Есмахан Instagram-дағы парақшасында жанкүйерлерімен тілдесіп, қазіргі жағдайын айтты. Шоу-бизнес жұлдызы жақындарының арқасында бүгінде тәуір болып қалғанын алға тартты.

"Қалайсыздар? Аман-есен жүріп жатырсыздар ма? Екі күн бойы ауырып, жаман болып қалдым. Анам, ағам, бала күтушім, күйеуім жабылып жүріп, денемдегі суықты қуып шықты. Қазақтың емі күшті ғой не дегенмен", - деп жазды әнші.

Айта кетейік, бұған дейін Ерке Есмахан желіде қызу талқыға түскен видеосына пікір білдірген болатын. Өнер иесі аталмыш бейнежазбада камерадан не себепті тығылып қалғанын түсіндірді.

Мәтіннен қате тапсаңыз, бізге жазыңыз