"Кешью үшін бір тиын алған жоқпын": Аида Қауменова Снуп Догқа шапан тіккен кезін еске алды

Отандық дизайнер Аида Қауменова әлемге әйгілі рэпер Снуп Догқа шапан тіккен кезді еске алды. Сәнгер сол уақытта Кешью тобына да костюм дайындаған, дегенмен трионың киімі үшін ешқандай ақша алмаған, деп жазады KAZ.NUR.KZ.

Аида Қауменова құрбысы Баян Мақсатқызымен бірлескен жобасы жайлы "Сырласу" бағдарламасында айтты.

"Біз Баян Алагөзовамен бірге әлемдегі ең әйгілі рэпер Снуп Догқа шаан,бас киім тіктік. Одан бөлек, Кешью тобына да киімдер тіктім. Баянға 50 пайыз жеңілдікпен жасап бердім. Тура Жаңа жыл уақыты еді, демалысқа кеткен команданы қайта жинап, тез-тез жасадық. Ал Кешьюдің образдарына жоба ретінде бір тиын алған жоқпын.

Біз доспыз ғой, мен Баянның қалай ойланып, қобалжып жүргенін көрдім. Солай өзім ізденіп, киім дайындадым. Баян көргенде бір ауыз артық сөз айтпады, тек "өте әдемі" деді.

Айта кетейік, осыған дейін Аида Қауменова кәсібін жертөледен бастағанын айтқан еді. Ол екі некесінің не себепті сәтсіз болғанын да түсіндірген.