Трамп жеңістен кейінгі сөзін танымал әнге билеп аяқтады

Дональд Трамп бүгін Флоридада жақтастары алдында сөз сөйледі. Содан кейін саясаткер Village People тобының YMCA әніне билеп, сахнадан кетті, деп хабарлайды Sky News арнасына сілтеме жасаған KAZ.NUR.KZ.

Трамп өз сөзін аяқтағаннан кейін оның жақтастарының көпшілігі қол шапалақтады. Олардың бір бөлігі Мake America Great Agaon (MAGA) сөзі жазылған мерчтерді желпіді.

Трамп бірнеше минут сахнада қалып, адамдармен амандасты.

"Үлкен рақмет", - деді ол. Кейін әйелі Меланияның қолынан ұстап кетіп қалды.

Айта кету керек, Трамп сөз сөйлеу кезінде Илон Маскты мақтап, оны "жаңа жұлдыз" деп атады.

"Мен сені жақсы көремін, Илон", - деді ол.

Айта кетейік, АҚШ бойынша барлық сайлау учаскесі жабылды.

Еске салайық, АҚШ-та президент сайлауы 5 қарашада Астана уақыты бойынша сағат 16:00-де және жергілікті уақыт бойынша 06:00-де басталды. Бұл сайлау ел тарихындағы 60-президент сайлауы болып отыр. АҚШ-та 47-президент сайланды.

АҚШ-тағы президент сайлауының алғашқы нәтижелері жарияланды.

Бұған дейін АҚШ-та дауыс беру басталғанын, Трамп та, Харрис те жеңіске жететініне сенімді екенін жазан едік.

Кейін АҚШ-тың келесі президентін ұлықтау рәсімі қашан өтетіні белгілі болды.

Мәтіннен қате тапсаңыз, бізге жазыңыз